അവൾ എന്നും ഒരു സ്റ്റാർ ആയിരുന്നു. പഠിത്തത്തിലും എല്ലാത്തിലും. നാലാംക്ലാസ്സിൽ പഠിക്കുമ്പോൾ അവളോട് തോന്നിയത് പ്രണയമാണ് എന്ന് പറഞ്ഞാൽ ആരും ചിരിക്കും.
അവൾക്കുചുറ്റും കുറച്ചുപേർ ഉണ്ടായിരുന്നു. ക്ലാസ്സിലെ മറ്റു പഠിപ്പിസ്റ്റുകൾ. അവർ മുൻനിരയിൽ എന്നും സ്ഥാനം ഉറപ്പിച്ചപ്പോൾ കഷ്ട്ടിച്ചു പാസ് മാർക്ക് മേടിച്ചിരുന്ന ഞാൻ ലാസ്സ്റ്ബഞ്ചിൽ സ്ഥാനം നേടി. അവളോട് സംസാരിക്കാനുള്ള ധൈര്യം പോലും എനിക്കുണ്ടായില്ല.
അങ്ങനെ ഒരുനാൾ അവൾ ടൌണിലെ സ്കൂളിലേക്ക് മാറിപോയി. പുതിയ അധ്യായനവർഷം അവളില്ലെന്ന അറിവ് എനിക്ക് പുതുമയില്ലാത്ത ഒരു വേദനയെ പരിചയപെടുത്തി. അത് പ്രണയമായിരുന്നു എന്ന് എനിക്കറിയില്ലായിരുന്നു.
വർഷങ്ങൾ കഴിഞ്ഞു. കോളേജ് കാലം. നിമിത്തമെന്നപൊലെ അവളുടെപേര് ആരോ പറയുന്നത് ഞാൻ കേട്ടു. മണ്ണടിഞ്ഞ ആ പ്രണയം എരിയുന്ന കനൽകണക്കെ ജ്വലിച്ചു. കുറച്ചു കഷ്ടപെട്ടെങ്കിലും അവളുടെ വീട്ടിലെ ഫോണ് നമ്പർ ഞാൻ കണ്ടുപിടിച്ചു.
ഒരു ന്യൂഇയർ തെലേന്നു ഞാൻ അവളുടെ സ്വരം വീണ്ടും കേട്ടു.
ആ ദിവസത്തിന് ഒരു അതിമതുരം ഉണ്ടായിരുന്നു. ഇത്രയും വർഷങ്ങൾക്കു ശേഷവും ആ ദിവസത്തെപറ്റി ആലോചിക്കുമ്പോൾ, അന്ന് ഞാൻ അനുഭവിച്ച അതേ വികാരം, അതേ അളവിൽ...
No comments:
Post a Comment